الشاعر السيد/
هاشم بن علي الكاف “الهاشمي
ياليت نور الصبح ماجاء بالاسراع
وياليت ليلي ماتعجّل ذهابه
قلبي على شوف المحبين ملتاع
للي نهب قلبي وطوّل غيابه
طول السهر يزيد في قلبي أوجاع
وتشخيص طبي مايداوي عذابه
حبه نزل بين الحنايا والأضلاع
ورمش عينه سيف فارق نصابه
الحب له طابع وانا فيني اطباع
والحب له بين الضلوع استجابه
لاتحسبون الحب مركب بلا شراع
ومركبي فالبحر يمخر عبابه
أنا حبيبي ريم جافل ومرتاع
مشهور بين ا٨هله وبين القرابه
من دون قربه خافقي بالهوى ضاع
وحبه بقلبي من سنين جرى به
قلبي بسوق الحب يشري ولا باع
ضاعت معاريفه وضيّع شبابه
