بقلم : الشاعر عبده محمد القاضي
جلست أحسبها .. وأدير الافكار
اكتب وامسح .. مفردات ومعاني
عساها تبقالي مع الوقت تذكار
يقرا بها منه .. بحبه رماني
كتبت في حبه جزيلات الأشعار
ياليت يذكرني بتالي الزماني
غرٍ سلب عقلي ياليت ما صار
وش فايدة حبٍ وهويحب ثاني
الصبر طيب والأماني لها كار
والحب بقلوب المحبين شاني
اللي نحبه صار مفساح مقطار
ضايع وضيعنا ولا يوم لاني
سهم المحبة عاقني ياهلا الدار
من صوبكم سهمٍ المحبة لفاني
يا الله جنبنا صواديف الأخطار
ونحيا حياة العز والعمر فاني
