بقلم / جمعان مجبل العازمي
الكلمة اللي ماهي من قلب مابيها
بعض السوالف تعبنا من تصنعها
اصحى معي وافهم القصة ومافيها
لا تحسب إنك جميع الناس تخدعها
المشكله صار حاميها حراميها
بعض السلع غشها في وسط مصنعها
لاتكثر الهرج مررها وعديها
إن كان ماشفتها لا بد تسمعها
لاصار مايشفق الخاطر لطاريها
لاعاد في ذاكرة بالك ترجعها
بعض الخطايا بليا قصد نخطيها
صارت معي بس ماكنت أتوقعها
دنياك حاضر زمنها غير ماضيها
تغيّرت باهلها وأسلوب واقعها
خلك على الهقوه اللي فيك هاقيها
نفسك على منهج الطالات شجعها
دروب الأمجاد تعجبنا مماشيها
عاداتنا ياعسانا مانضيعها
الناس تعرف مواقفها بأساميها
دائم مفاهيمها تعكس طبايعها
كلً له أهداف وهمومٍ يعانيها
الناس رغباتها تكشف طبايعها
بعض المشاكل كثيراتٍ دعاويها
إتسبب الحقد والفتنه تولعها
بعض القضايا بلاها من محاميها
لاصار مايثبت الحجه ويرفعها
لاصار مالك طموحاتٍ تحاتيها
تمر الايام في حسبتك ما اسرعها
النفس للناس لاتكشف خوافيها
حافظ على اسرار نفسك لاتضيعها
النفس بالعلم والإيمان تحييها
اقنع وفي بعض الأشياء لا تطاوعها
خلك مع اللي تشرفها مباديها نفسك عن الشك والهزلات ترفعها
