#بلقيس_الشميري
يوم جاد الحظ يمِّك قادني وأسرج هواك
أعلنك فارس غرامي والمداين مُظْلِمة
ابتدت قصة غرامي والبداية قلت هاك
قلبي اللي يوم حبك اليدينك مُسْلِمَة
كم عشق قلبي ذنوبك طامع بلذة رضاك
كم تغاضى عن عيوبك وانت باقي تظلمه
كم عشق لذة جنونك ما التفت طرفه لذاك
يحسبك لوثة جنونه بالحروف الملهمة
كم أحبك ياحبيب رغم ما اقترفت يداك
والجروح اللي تشافت في الخفوق معلِّمة
مل قلبي من عذابه وملت دروب الهلاك
وملت الآلام الحيارى كل جرح تكلمه
وين عهدك يا حبيبي يوم يطعني وفاك
الغدر فوق احتمالي والخيانة مؤلمة
مات شوقي في عروقي والسبب شدة قساك
كل دقه من جروحك يا حبيبي تِعلِّمِه
حلم واحد في عيوني وانتهى حلمي معاك
والنهاية امس حاضر والمداين مُظْلِمَة
#بلقيس_الشميري
