بلقيس الشميري
قلبي اللي هان وده يوم وده مشتريك
ضيَّع دروب الوفا وابتدا فصل الروايا
جمَّل الله حال جرحك هدني ماعاد أبيك
وين ماوجه خيالي يلمحه بين الزوايا
انتهت قصة غرامي ضاق نبضٍ محتويك
واللي باقي من حنيني يشبه لثورة قسايا
الله الله ياخفوقٍ ضعت وآنا ارتجيك
جفت حلوق السوالف ماوصل سمعك ندايا
وين أمسي وأنا أمسي بالدموع اللي تجيك
تنتخي شيمة وفاك وتطلبك تبقى معايا
لا تقول اليوم ودك تهتويني واهتويك
وين وِدِّك يوم ودِّي احتفظ بك للنهايا
لا سنيني هي سنيني ولا فؤادي محتريك
ماابي صادق شعوري لو يضيعني دفايا
سيدي واعذب جروحي مابقالي شي فيك
وما بقى بالعمر باقي تجرحه سود النوايا
