بلقيس الشميري
قـررت أعـاف الحـب عِـشـرة وسـيرة
مـا عـاد يـطـربـنـي عـلـى الحـب موال
والـلـي خـلـقـنـا عـالم (ن) بـالـسـريـرة
قـلـبٍ صـدوق الـود وقـلـوب تحتـال
وشـخـصٍ يـحـدد في حـيـاتـه مصيره
وشـخـصٍ مصيره في حياته للإهمال
وشخصٍ يبي يـرقـى رقـاب العشيرة
وشـخـصٍ سـرى بـرقـه مـع كـل همال
وهـمـوم رحـالـه عـلـى كـل ديــره
يا عز/ يـا يـاقـوت / يـاجـاه / يـامـال
وقتـي غــزانـي بـالـبـحـور الخـطـيرة
الـلـي يـجـنـِّب صـعبـهـا كـل رحــال
وجـدي على نبض الـقـلـوب السفيرة
الـلـي لـهـم في خـافي الـروح مـنـزال
أهــل المـثـنـى والــــــــبـرآ والمـغــيرة
أهـل الـشـجـاعـه والمـبـادي والأمـثـال
أهــل الـعـقـول المـبـصـره والمـنـيرة
قــومٍ يـقـدر رجـلـهـم بــالــف رجــال
عـلـم(ن) يـذرى في الـلـيـال المـطـيـرة
وعـلـم(ن) سـرى يطرد سرابه مع اللال
والـلـي يـِحَكِّـــم في حـيـاتـه ضميره
يبقى ضـميـره حــيّ في كـل الأحـــوال
أيـــــــام نمـشــيـهـا بنـفـس الـوتـيرة
وأفــــواج بـعـض الـقـوم كـذبـه و تـمـثـال
يـا ليل يـا مسكون بـ أوهـام حيـرة
اصـبر عـلـى صمت الـلـيـالـي والأهــوال
