عبده محمد القاضي أبونبيل
قطع الوصل بين القرايب ظليمه
واصل قريبك قبل ما الروح تهدم
بعض القرايب له مع الوقت قيمة
وبعض القرايب .. لا قطعته تندم
اصفح وسامح لو جروحك أليمة
تكسب رضا الرحمن في يوم معدم
خلك لربعك سيف .. ومزون غيمة
لمن قاطعك .. بادر وخليك مَقدم
زاور وزور وانسا الجروح القديمه
لوكان جرحك باقيا ينزف الدم
من عاش عمره والنوايا سليمه
حاز الجمايل وبين ربعه تفندم
على الاقل جامل ونفسك كريمه
واحذر من الأيام في يوم تصدم
وصل القرايب مهو بسلب وغنيمه
وصل القرايب لا انقطع صار مردم
