هاشم بن علي الكاف
عزّي لمن مثلي ….. تغيّب ضنينه
اسج به وانا مع الخلق والناس
تسكن خفوقي من هواه السكينة
كنه يقول لطاري الجرح لا باس
ي أعذب أيامه ويابهجة سنينه
همسه يعانق بالغلا صدق الإحساس
تصحى بنا كل الجروح الدفينه
شفني اليا ذعذع مع الليل نسناس
وجدي على شوفه وضحكت جبينه
يفداه نبض القلب وتفداه الانفاس
تفتح عروق النفس شوفةْ عوينَه
شوق تبين من ورى عوج الاقواس
زادت على قلب المولع حنينه
لأجله ضلوعي على القلب حراس
عجزت انساه وانسى لمسةْ يدينه
عشقه غلا صادق وحبٍ بلا قياس
غيبته عنّي غدت ذكرى ثمينه
واكتب معاناتي على كل كراس
قلب تعذّب اسأل الله يعينه
سامع الشكوى وكاشف الباس
