هاشم بن علي الكاف
أدمنت قربك والولع فيك إدمان
خلك معي أقرب من الروح للروح
البُعد أشعل داخل الجوف نيران
يفز لك قلبي من الشوق ويبوح
القلب لك مسكن بفلّه وديوان
تعرف مكانك داخل القلب بوضوح
القلب والله مارضى غيرك إنسان
طيفك معي دايم على وين ما روح
أبغاك تاخذني غلا بين الاحضان
وتهب نسمات الغلا وانثر البوح
ياخلّي من طاريك حركت الاشجان
الله يعين اللي من البُعد مجروح
بكرة نروح بدفتر الوقت نسيان
خواطر ي تطري على البال وتروح
حب القلوب الصادقه ماله اثمان
واحنا على وضح النقى نبني صروح
دام الوفاء للحب وسماً وعنوان
للكون شمعة وللوفاء باب مفتوح
