عبده محمد القاضي ابونبيل
من عاشر اهل الطيب .. عاش وتهنا
ولا الردي ودك .. تنتف رموشه
مانا مع اللي .. لا هرج قال كنا
مثله وشكله .. طايحاتٍ عروشه
ولانا مع اللي .. لازعل صد عنا
ولانا مع اللي .. بان كذبه وبوشه
انا مع اللي .. لاهرج صار منا
يضحك بسنه لو .. قليله قروشه
هذا الرفيق اللي .. من اجلي تعنا
ابذل له الغالي .. ولا احدٍ ينوشه
في مجلسه تشرب .. مع الهيل بنا
وتلقى الرجال اهل الوجيه البشوشه
هذا الصديق اللي له .. القلب حنا
لو غاب عني ما .. اهتني بالمعوشه
شكيت له حالي .. مع اللي كونا
الجادل اللي .. تسببت لي بدوشه
وقف الى جالي .. ما ذخر او تونا
وقال لي ابشر .. غيركم ما يحوشه
ارتاح قلبي يوم .. هاتفي بساع رنا
وعشت الامل .. كني وخلي بكوشه
