حسن القحل
عيوني مجلسك والقلب بيتك
ولا غيرك سكن مخلوق فيها
لك وحدك بلا مقابل عطيتك
متى ما تحب أو تبغى تجيها
لأني يا بعد روحي هويتك
وتفاصيلك خيالي ما نسيها
من حزت صدفتك والتقيتك
وخطواتك تراني اقتفيها
على بالي خيالاتك وليتك
تقدر حالت إللي راح فيها
ابي شوفك وابي قربك ووصلك
ولحظاتك أبيها واشتريها
لجل هذا الطلب مخصوص جيتك
أقدم لك عروضي وارتضيها
لك وحدك ما دام إني شريتك
ولا قبلك ولا بعدك لقيها
كرامة لك بها جيت ونصيتك
اقدمها وابي تقلط عليها
فقلي تم أنا أفداك ورجيتك
وخلني باقي أيامي اهتنيها
أشوفك واحضنك كل ما بغيتك
ومعك كاس المحبة أحتسيها
وأبيك تكون جنبي لا دعيتك
وكل لحظة بقربك أحتفيها
