١/من عاش بالدنيا رأى الزين والشين
مروا عليه اطياف واشكال والوان
٢/الله عطانا من ثقتنا براهين
نمشي بها ما همنا فلان وفلان
٣/ومن باعنا بعناه لو كان بالدين
وما نطلب القيمة ولا نطلب اثمان
٤/وما غثنا فرقى العباد الرديين
فرقاهم اطيب حظ وازكى للانسان
٥/ومن خان فالدنيا فله يوم بعدين
مصيره يلاقي خيانة وخذلان
٦/يا كثر من حولي من الناس الادنين
وقلوبهم متعطشة حب واحسان
٧/ناس(ن) تعرف الحب وتقدّر الزين
ونعيش معهم في دلع عز وامان
٨/وما همني ناس تسب المقفين
قلبي يشوف الصدق ماهو بغلطان
٩/مادام ربي ينصر المستحقين
والغادر يلاقي مذلة وحقران
١٠/النية الزينة تعز العزيزين
والنية الشينة مهانة ونقصان
١١/وما يكتب الله للبشر من قوانين
نرضى بها والله كريم(ن) ورحمان
كلمات فرس سعودية
