الشاعر :سلطان المشـيـعـلي الحـربـي
بسم الله الرحمن ،، مبدأ وعنوان
الواحد اللي خالق الناس من طين
من بعد هذا زان ،، بدع الشعر زان
في مدح امير الطيب طلق الحجاجين
فيصل ولد مشعل كريمً ولا هان
يا حيّ ذا الطاري .. و يا حيّ ذا العين
كريم كف .. ونفس .. و امير .. وحصان
ابو ( على خشمي و أبشر ، و بـ تزين )
تجيه مهمومً .. و في صدرك احزان
و تروح من عنده .. بـ صدرك بساتين
لو كانت الطيبه .. على هيئة إنسان ؟
بـ تـتـجّـسّـد بـ فيصل .. من العطف و اللين
ربي خلق فيه : التسامح و الإحسان
و الرحمه مع هيبة ملوك و سلاطين
مدة يمينه لا عطى مالها اوزان
يخلف موازينً ويعدل موازين
تشهد له قلوب الاوادم والاعيان
في جود كفينه و فالمنطق الزين
مافيه لا شكه ،، ولا فيه ، نقصان
ولا يلحقه ميلاً ،، ولا يلحقه شين
يا جعل ربي .. يحفظه وين ماكان
و يبقى لنا .. و تطوّل بـ عمره ،، امين
وفي حكم حاكمنا على العز سلمان
تنبت ( قصيم الخير ) ورد ورياحين
و بفضل مُلهمنا ( محمد ) كحيلان
شفنا التقدم والتطور من سنين
يا مملكتنا .. يا بعد كل الأوطان
في حضنك الدافي .. حويتي ملايين
من فضل ربي .. كلنا بـ أمن و آمان
في ظلّ ( آل سعود ) سقم المعادين
الله يديم ملوكنا .. طول الأزمان
حنّا لـ آل سعود ،، و الدار حامين
