شعر | حسين القفيلي
كم بشت رجال على المتن رزه
لاجاب له شيمه ولاجاب قيمه
ماهو بشت أهل القدر والمعزه
بشت الكرم بشت الفعول العظيمه
مثل الملك سلمان يالله تعزه
اللي كفوفه بالعطايا كريمه
إغاثته تنزل على قلب غزه
مثل السحاب اللي سقى القاع ديمه
بين الدواء والقوت خبزه ورزه
وتكسر حصار أهل المكر والجريمه
بمتابعة من هو معه كل حزه
محمد اللي في المواقف صتيمه
ياويل ويل اللي يبي يستفزه
سيف يحز أهل الفعول الوخيمه
ولاَ على لصحاب فعله منزه
مثل المطر لا هل من وسط غيمه
وحنا الجبل وطويق ماحد يهزه؟!!
صبر وشجاعه من عهود قديمه
عدونا من فوق متنه نجزه
ونلملم جروح الكهل واليتيمه
